Blog Archives
“Il Camarin”: une gnove buteghe a Vasinis”
Un percors di economie aziendâl te scuele de infanzie!!!
O vês di savê che dopo tancj agns tal paîs di Vasinis, Cinzia, la mame di Cesare, un frutin che o vin a scuele, e à viert une biele butegute di alimentârs che si clame “Il camarin”.
Lis mestris dal asîl, dopo sei stadis a Regjio Emilie a formâsi tal Centri “Loris Malaguzzi” a àn pensât ben di valorizâ alc dal teritori e cussì al è nassût chest percors…
O vin intervistât i nonos e la int dal paîs par savê ce buteghis che e jerin une volte e o vin realizât un librut.
Dopo o sin lâts a pît a visitâ la buteghe. O vin domandât e Cinzia cemût che lis robis a rivin, cui che al ven a comprâ, c
e che a comprin, o vin viodût che e je une casse dulà che si tegnin i beçs.
Po dopo, tornant a scuele, o vin ben pensât di costruî un negozi intun cjanton de aule. Ducj i frutins a àn puartât di cjase alc. Cinzia nus veve regalât des bielissimis borsis par fâ la spese fatis di materiâl riciclât. O vin fat i beçs e cussì o vin zuiât cui nestris amîs par un grum.
E cemût rivie la spese te nestre scuele?
Alore o vin intervistade la coghe che nus à contât de liste dal ordin e dal camion che al rive ogni setemane a puartâ la spese, lis pomis, la cjâr, il pes e il formadi…
Il viaç di Pimpa
Cui fruts mezans de sezion A de scuele de infanzie “Taverna”, chest an al è stât proponût un percors in lenghe furlane che al à puartât il personaç di Pimpa a esplorâ il mâr e lis sôs isulis par discuvierzi che ogni isule e je dedicade a une filastrocje, une cjançon o a un bal de tradizion furlane. 
In chest mût i fruts a àn cognossût: “Sache burache”, “Sdrindulaile”, “Voli neri, voli blanc”, “I siet pas”, “Çjistiel a Udin”, “Nêf”, “Nadâl” e tancj zûcs par imparâ i colôrs, lis parts dal cuarp e tant altri.
I fruts a àn realizât schedis didatichis par fissâ ogni aprendiment e a àn fat esperiencis di lavôr manuâl, come la mongolfiere e la Pimpa realizade cul das. 
Il percors al è stât apreçât di ducj i fruts e ancje chei forescj si àn passionâts aes peraulis di cheste lenghe che par lôr no je cognossude.
Mangjâ a colôrs
Noaltris fruts de sezion B de scuele de infanzie di Attimis o vin fat un lavôr impuartant
pe nestre salût:
un progjet di educazion alimentâr par podê cressi sans e fuarts!
Cussì o vin podût cognossi lis pomis, lis verduris, lis jerbis e lis lor stagjons.
Ce fasevino Bidin e Bidine intal bosc?
O vin scoltade la storie di Bidin e di Bidine che nus a interessâts une vore.
Emozions e colôrs
Te Scuele de Infanzie di Vençon,
ogni colôr al pant une emozion!
Cjapant la idee di un lavôr fat inte scuele di Culugne, chest an o vin zuiât a fâ fente di…..
sei inrabiâts e invelegnâts, 
sei contents,
sei avilîts, spaurîts e parcè no ancje un pôc confusionâts, soredut cuant che no savìn contâ lis nestris emozions cu lis peraulis.
O vin zuiât cui struments musicâi, o vin mimadis lis musis des emozions,
lis vin pituradis sielzint un colôr par ognidune…..
Al è stât biel resonâ su lis nestris emozions e si sin un grum divertîts!
Ator ator par scuvierzi gnûfs amîs
Chest an i frutins de scuele di Avasinis si son vierts al teritori cun doi “zimulaments”.
Si son miscliçâts cui fruts de scuele di RESIE e po dopo cun chei de scuele di CULUGNE!
In chest percors a àn cognossût nuie di mancul che trê speciâi personaçs:
il TIRI-MIRI, ragnut di aghe une vore presint in chescj puescj dulintor;
la VEVËRIZA di Resie, che par furlan al è il sghirat;
MARI TIERE di Culugne, principesse che e ven de tiere e i plâs cetant il sunôr e la musiche.
I fruts, cun braure a àn podût dî di dulà che a vignivin, mostrâ e scuvierzi biei lûcs e soredut capî che JESSI FRUTS E VOLÊSI BEN AL È PAR DUCJ COMPAGN, AL CAMBIE DOME CEMUT CHE TU LU DISIS.
I frutins di Avasinis cu lis mestris a àn inventade la cjante dal Tiri-miri….
(su la musiche di “Wisky il ragnetto”)
IL RAGNUT TIRI-MIRI DI AVASINIS
Il Tiri-Miri al monte
e al va sù pe mont
la ploie lu bagne
e lui al cole jù,
jù, jù, jù.
Al torne il soreli
e lui al à fortune
e cu lis sôs talputis
al va ancjemò plui insù,
plui insù, plui insù, plui insù.
Ma sore la montute
al cjate une cjasute
cun dentri une sbilfute
che i prepare di mangjâ,
mangjâ, mangjâ, mangjâ.
E po cu la panze plene
al torne jù di corse
e al va inte scuelute
a zuiâ cun ducj i fruts,
i fruts, i fruts, i fruts.
La ruiute
Il percors di furlan dai frutins piçui e mezans, inserît tal progjet de Scuele de Infanzie di Atimis “Mangjâ a colôrs”, al à vût une amie speciâl, la ruiute. Chest personaç ur à fat scuvierzi storiutis, cjançons e filastrocjis in lenghe furlane che a àn a ce fâ cui colôrs e cui savôrs des pomis e des verduris di stagjon.
La ruiute e à tante fam
di mangjâ cumò i dan 
Vierç la bocje, cerce sù…
dopre i dincj, fâs ancje tu
Scolte la cjançon: LA RUIUTE!
Il zeut de Vierte
induvine ce che al puarte…
…une freule profumade,
dôs carotis narançon, 
trê cesarons
tal lôr cosul verdon,
cuatri armelins
par jemplâ la panze
e cjariesis in bondance
…mangje ca e mangje là
biele grande po e sarà
… e PAVEE e deventarà!
Il lôf e i trê purcituts
O sin i frutins de sezion D de scuele de infanzie “Taverna”. Chest an o vin scoltât e dissegnât la storiute dal “Lôf e i trê purcituts”, che nus è plasude une vore.
O vin ancje imparât cjançons, filastrocjis e bai.
AL JERE UNE VOLTE UN LÔF PLEN DI FAM 
CHE NOL MANGJAVE DI PLUI DI UN AN
LUI NOL VOLEVE FORMADI E LIDRIC
DOME I PLASEVE LA CJAR DI PURCIT
E DOPO A JERIN TRÊ PURCITUTS
COLÔR DI ROSE E PASSUDUTS
E LÔR NO VEVIN PÔRE DAL LÔF
PARCÈ CHE A JERIN CETANT CORAGJÔS….
LA CJASE E JE FUARTE, PROPIT BEN FATE
IL LÔF AL PENSE: “O JENTRI PE NAPE”
E CUSSÌ AL COLE, CHEL PUAR BIÂT
PROPIT SUL FÛC CHE AL JERE PIÂT!
Tal nestri ort
Dut l’an noaltris fruts grancj de infanzie di Cjampei o vin lavorât tal ort, fasint dutis lis voris:
– lavorâ la tiere
– semenâ
– curâ l’ort
– racuei
Tancj lavôrs e tantis sodisfazions, fevelant par furlan!
