Tal bieni 2015/2017 tal nestri progjet a jentraran chescj elements di novitât:

 

• inricjiment dal sît web cu la creazion dal “Aghisblog”, un blog che al permetarà di cjatâ plui ocasion pal scambi professionâl, di fâ circolâ materiâi e ideis tra lis scuelis de rêt e di vierzisi ancje a docents di altris minorancis;
• colaborazion e condivision di aspiets didatics e metodologjics cu lis realtâts linguistichis e culturâls diferentis presintis tal nestri teritori (scuelis de Val Resie e de zone slovenofone) par un inricjiment vicendevul, e cu laminorance ladine dal belunês traviers lis pussibilitâts ufiertis des tecnologjiis informatichis;
• aprofondiment dai aspiets valutatîfs cu la formazion di un Grup di studi che al uniformarà a nivel di rêt i modei realizâts des scuelis (tabelis, schemis, sfueis di osservazion…) e si impegnarà te riflession sul concet di competence te lenghe minoritarie e su la sô certificazion.
• valorizazion dal patrimoni musicâl furlan traviers la cognossince di repertoris de tradizion e di gnovis produzions musicâls, ma ancje mediant de elaborazion /rielaborazion di cjants e musichis cu lis peculiaritâts ritmichis e tecnologjichis dal dì di vuê cu lis peculiaritâts ritmichis e tecnologjichis dal dì di vuê.