Author
Âstu pôre de strie?
Âstu pôre de strie? …. Un freghenin!
Cun cheste domande al è tacât il nestri percors.
Nô fruts di cuarte de scuele di Paulêt o vin zuiât, animât, balât, inventât, dissegnât….
O vin scoltât la mestre contâ e lei lis storiis e capît che une volte la int furlane e veve pôre des striis.
Cumò nessun di nô al à plui pôre des striis.
Nô a scuele lavorant o vin ridût … Cussì o vin imparât insiemi a cjacarâ, a lei, a scrivi dialics, tescj regolatîfs, tescj descritîfs, tescj naratîfs e poetics.
Ce fasie la strie?
O sin striis perfetis… Ce biel stravistîsi e svolâ su la scove! Ce ligrie!
Il bal de scove de strie. Ce ridi!
Il bevarin magjic de strie: ce nus covential? Metìn dongje dal dissen lis peraulis.
Ce magjie! La formule magjiche e funzione!
Mm… Bombons di viers e lisiertis par ducj!
Dulà vaie la strie? Peçots, la boutique de strie: dulà che la sartore i fâs une cotule gnove
Cemût fasìno la nestre strie? Ce materiâi e imprescj nus coventino?
La mari di Giada, come une sartore, nus jude a ingrispâ lis cotulis.
Ve ca la nestre poesie, le vin animade par imparâle ben a memorie.
Zûcs cu la … blave!
Nô fruts di cuinte di Paulêt o vin analizât un test in lenghe taliane su la blave e sui zûcs che doi fruts a fasin intun cjamp si blave.
Intes oris di dissen o vin creât la panole, e in lenghe furlane o vin imparât lis peraulis
de blave… che a cambiin secont dal paîs.
“Il Camarin”: une gnove buteghe a Vasinis”
Un percors di economie aziendâl te scuele de infanzie!!!
O vês di savê che dopo tancj agns tal paîs di Vasinis, Cinzia, la mame di Cesare, un frutin che o vin a scuele, e à viert une biele butegute di alimentârs che si clame “Il camarin”.
Lis mestris dal asîl, dopo sei stadis a Regjio Emilie a formâsi tal Centri “Loris Malaguzzi” a àn pensât ben di valorizâ alc dal teritori e cussì al è nassût chest percors…
O vin intervistât i nonos e la int dal paîs par savê ce buteghis che e jerin une volte e o vin realizât un librut.
Dopo o sin lâts a pît a visitâ la buteghe. O vin domandât e Cinzia cemût che lis robis a rivin, cui che al ven a comprâ, c
e che a comprin, o vin viodût che e je une casse dulà che si tegnin i beçs.
Po dopo, tornant a scuele, o vin ben pensât di costruî un negozi intun cjanton de aule. Ducj i frutins a àn puartât di cjase alc. Cinzia nus veve regalât des bielissimis borsis par fâ la spese fatis di materiâl riciclât. O vin fat i beçs e cussì o vin zuiât cui nestris amîs par un grum.
E cemût rivie la spese te nestre scuele?
Alore o vin intervistade la coghe che nus à contât de liste dal ordin e dal camion che al rive ogni setemane a puartâ la spese, lis pomis, la cjâr, il pes e il formadi…
Il viaç di Pimpa
Cui fruts mezans de sezion A de scuele de infanzie “Taverna”, chest an al è stât proponût un percors in lenghe furlane che al à puartât il personaç di Pimpa a esplorâ il mâr e lis sôs isulis par discuvierzi che ogni isule e je dedicade a une filastrocje, une cjançon o a un bal de tradizion furlane. 
In chest mût i fruts a àn cognossût: “Sache burache”, “Sdrindulaile”, “Voli neri, voli blanc”, “I siet pas”, “Çjistiel a Udin”, “Nêf”, “Nadâl” e tancj zûcs par imparâ i colôrs, lis parts dal cuarp e tant altri.
I fruts a àn realizât schedis didatichis par fissâ ogni aprendiment e a àn fat esperiencis di lavôr manuâl, come la mongolfiere e la Pimpa realizade cul das. 
Il percors al è stât apreçât di ducj i fruts e ancje chei forescj si àn passionâts aes peraulis di cheste lenghe che par lôr no je cognossude.
La cjase di Pieri il Soreli
Chest an i grancj de sezion B de scuele de infanzie “Taverna” a àn aprofondît lis cognossincis de lenghe furlane frontant l’argoment dal timp meteorologjic.
Il percors al è scomençât cu la presentazion di Pieri il Soreli che al vîf intune cjase 
speciâl: il cîl.
Cussì ducj i fenomens meteorologjics che o podìn cjatâ a son stâts presentâts ai fruts come amîs di Pieri, cun tancj moments di piçulis dramatizazions.
O vin cussì fevelât di Jacum il nûl e di tancj altris: la nêf, l’aiar, la ploie, la tampieste, il burlaç, i lamps, i tons, l’arc di Sant Marc.
I fruts, si son divertîts une vore, a son stadis creadis tantis situazions, ancje di zûc, che ju àn incuriosîts e che ur àn fat capî e rifleti, cun osservazions libaris e vuidadis su lis diviersis manifestazions dal timp.
PIERI IL SORELI
PIERI IL SORELI AL STA INTAL CÎL
OGNI MATINE SI SVEE E SI JEVE SÙ.
A DUT IL MONT LUI AL PUARTE LA LÛS
FIN CHE A SERE LUI AL VA A DURMÎ.
PIERI IL SORELI AL È UN GRANT AMÌ
PIERI IL SORELI AL È UN GRANT AMÌ.
LA TAMPIESTE
TICHE, TOCHE, TICHE, TOCHE
TICHE, TOCHE, TICHE, TOCHE
BALUTIS GLAÇADIS
CHE A VEGNIN JÙ DAL CÎL
CHE A VAN DI CA E DI LÀ
E A JEMPLIN IL CURTÎL.
TICHE, TOCHE, TICHE, TOCHE
TICHE, TOCHE, TICHE, TOCHE
I nestris esperiments
Nô fruts e frutis des classis 5^A e 5^B de Scuele Primarie di Faedis, chest an o vin lavorât sui esperiments di siencis.
In particolâr o vin zuiât cu la AGHE, cul AIAR, cu la TIERE e cul FÛC.
O vin fat une vore di esperiments par osservâ cualchi fenomen che al sucêt inte nature.
Si sin divertîts un grum!
Ve ca cualchi nestri esperiment.
10 di Dicembar: zornade dai Dirits Umans
Lunis, ai 10 di Dicembar 2018, nô fruts de Scuele Primarie di Faedis, in colaborazion cu la Aministrazion Comunâl, o vin organizât une fogolade par ricuardâ i setante agns de Declarazion dai Dirits dal Om.
Noaltris di classe cuinte o vin fat un studi su la storie dai dirits umans, lant a ciri lis tapis che a àn puartât al document che o vin in dì di vuê. Par ogni tape o vin cirût di capî il dirit che al corispuindeve e o vin scrit une poesie.
O sin partîts tal 1786, cuant che tal Grant Ducât di Toscane, il Granduche al à abolît la pene di muart e, lant indevant tal timp, o sin rivâts fintremai al 2013 in Pakistan, cun Malala, che si è batude par la istruzion des feminis tal so paîs.
Ve ca la prime tape de nestre ricercje e des nestris riflessions.
1786, GRANT DUCÂT DI TOSCANE
Il 30 di Novembar il Granduche Pieri Leopolt al firme il gnûf codiç penâl e il Granducât di Toscane al devente il prin stât intal mont che al à abolide la pene di muart.
IL FÎL
NI PIERE NI CUARDE NI MANARIE
NI ALTRI IMPREST AL PUEDI COPÂTI,
ANCJE SE TU ÂS SBALIÂT UNE VORE
ANCJE SE CAMBIÂ E JE UNE SFIDE.
TU VARÀS DI SCONTÂ LA PENE
PE GRANDE PENE CHE TU ÂS DÂT
MA LA VITE DAL OM E JE UN FÎL
CHE NOL PUES JESSI TAIÂT.
IL FILO
NÈ PIETRA NÈ CORDA NÈ SCURE
NÉ ALTRO STRUMENTO TI UCCIDA,
ANCHE SE HAI MOLTO SBAGLIATO,
ANCHE SE CAMBIARE È UNA SFIDA.
DOVRAI SCONTARE LA PENA
PER LA PENA GRANDE CHE HAI DATO
MA LA VITA DELL’UOMO È UN FILO
CHE NON PUÒ VENIRE TAGLIATO.
ARTICUL 3: ogni individui al à dirit ae vite, ae libertât e ae sigurece de sô persone.
ARTICUL 7: ducj a son compagns devant de leç e a àn dirit, cence nissune discriminazion, a vê une tutele compagne di bande de leç.
Gjirasoi di … blave!
Nô fruts di cuarte de Scuele Primarie di Paulêt o vin fat un figuron mandant la nestre opare in mostre a Grions in ocasion de “Fieste de blave” dal 12 al 21 di Otubar.
Le vêso viodude?
O vin imitât Van Gogh e fat ducj insiemi i gjirasoi cui grignei, i scus e i curubui de panole. Ce vorone…
Ce divertiment scusupâ e specolâ lis panolis!
O vin scrit un test regolatîf par spiegâ il nestri lavôr. Ve ca lis istruzions sul nestri cuadernon.
Cussì cualchidun se al vûl al podarà provâ…
Solstizi di Invier
Dutis lis classis de scuele secondarie di prin grât di Paulêt a àn studiât lis tradizions popolârs leadis al So
lstizi di Invier.
“O vin scuviert lis antighis tradizions dal mês di Dicembar e soredut dal timp dal Solstizi di Invier che al cole il 21. Il Solstizi al vierç il timp di Nadâl che, cui dodis dîs e lis dodis gnots magjichis, al va fin ae Pifanie.”
IL NADALIN, il çoc di Nadâl…
“Si sin impegnats a realizâ tancj dissens sui moments e su lis figuris mitologjichis de tradizion furlane.”
SANT NICOLAU…
…E I KRAMPUS
SANTE LUSSIE
LIS VARVUOLIS
“I nestris dissens a àn partecipât al concors di piture che al è stât organizât de Pro Loco di Ravose.”
I TRÊ RES
LIS CIDULIS
LA BIELE STELE
LA BEFANE
LA FEMENATE
“O vin ancje metût adun a scuele un spetacul natalizi cun cjants, bai e parts di teatri.”
LA MESSE DAL SPADON
LA MESSE DAL TALAR
E IL PIGNARÛL
