Noaltris fruts di classe cuarte de Scuele Primarie di Faedis chest an o sin lâts a la scuvierte dal nestri teritori. O sin stâts a curiosâ inte storie di Faedis, a studiâ la struture dal Comun, a scuvierzi l’ambient e ce che si coltive parsore. O vin ancje imparât dôs liendis dal nestri teritori…
Cjalait ce biel che al è Faedis…
UNE LIENDE LOCÂL: L’Orcul dal Grivò
Nus conte une antighe liende che su lis cu
linis di Faedis al è a stâ un Orcul grandonon, plen di fuarce e neri.
Vie pe gnot al salte fûr de sô tane e al ven a bevi la aghe frescje e trasparinte dal torent Grivò.
Al met un pît su la culine di Cuestelungje e chel altri sul cjampanili de glesie di Faedis; po dopo si sbasse jù e cu lis mans metudis a scudiele al cjape sù la aghe e le puarte fin in bocje.
La aghe e scja
mpe framieç dai grues dêts des sôs mans grandonis e cussì e va a bagnâ i cjamps e i vignâi che a restin simpri verts e a dan bogns racuelts. Fasint cussì, però, l’Orcul al consume dute la aghe e, subite dopo dal puint, la aghe dal Grivò e sparìs e no cor plui.
VOLÊSO SAVÊ ALC DE STORIE DI FAEDIS?
CJALAIT IL VIDEO CHE O VIN REALIZÂT CLICANT CA SOT: