Nô arlêfs di classe cuinte de scuele primarie di Dalès, chest an o vin fat la radio!
Al è stât une vore divertent! Tra i episodis regjistrâts in furlan, a ‘nd è stât un, un tic scherçôs, suntun fat vivût a scuele.
Une matine di Novembar, inte ore di talian, o vin sintût un rumôr profont e o vin capît che si tratave di un taramot! Tal prin moment o jerin incuriosîts di chel rumôr e tal cidinôr un di nô al à berlât: “il taramot”, “la campanele”!!!! Ducj noaltris, che tes setemanis prime o vevin tornat a viodi lis regulis di compuartament tal câs di taramot/emergjence, lis vin metudis in pratiche daurman platantsi sot dai bancs. Po o vin contât fin a 10 e o sin lâts di fûr in file indiane. Par cualchidun e je stade la prime volte e un pôc nus à spaventats!
