Monthly Archives

giugno 2017

IMG-20170303-WA0006
Ic Faedis, Scuola Primaria di Faedis,

I cjastelîrs

by Marisa Comelligiugno 22, 2017no comment

Dilunc dal nestri viaç intal timp, lant a scuvierzi la storie dal nestri teritori, … o sin rivâts al NEOLITIC.

Une archeolighe nus à spiegât ce che a son i cjastelîrs, cemût che a jerin fats, dulà che ju fondavin e parcè che in chê Ete a deventarin il model di insediament plui impuartant intal Cjars e inte alte planure furlane, fintremai al IV secul p.d.C.

Nus à interessât une vore di capî in ce maniere che i archeolics a rivin a individuâ chescj particolârs abitâts:
traviers la toponomastiche,
lis fotografiis aeriis,
la cartografie…!

Ae fin  noaltris di cuinte o vin fat sù i plastics che a rapresentin i trê principâi modei di cjastelîrs:  

 

 

 

 

 

di planure: sierâts dulintor cuntun fossâl o cuntun arzin di tiere

 

 

 

 

di alture: sierâts de bande plui vierte ai pericui cuntun fossâl o cuntun arzin di tiere

 

 

 

 

a spiron sbarât: chei che si cjatin inte confluence di doi cors di aghe

art1
Ic Faedis, Scuola Primaria di Faedis,

Lizeris tant che paveis

by Marisa Comelligiugno 18, 2017no comment
Nô de seconde di Faedis, tal mês di Mai o vin tignût in classe i CAVALÎRS, ju vin alimentâts cu lis fueis di morâr e ogni sere doi di nô, a turni, ju puartavin a cjase par viodi di lôr.
A la fin dal mês a ân tacât a fâ la bavele, si son sierâts inte galete e dopo a son deventâts paveis blancjis e grisis.
A BORDAN
O sin stâts ancje a Bordan in visite a la Cjase dei Paveis.
Cuntun espert o vin osservât paveis des zonis tropicals dal mont, scuvierzint lis lôr formis, trasformazions e manieris di adatâsi al ambient.
Insiemi cu lis mestris Angela e Elisabetta e cul autist Aligi o vin zirât par Bordan par amirâ i MURALES, dissens piturâts di artiscj di dute la Europe sui mûrs des cjasis.
A SCUELE
Si sin improvisâts artiscj ancje nô. Inspirantsi a une opare che nus jere plasude cetant o vin creât il nestri dissen sul teme des Paveis.
Cjalait chei colôrs meraveôs! Viodêso il fonts?
A son rapresentâts tancj triangui.
Cun chestis figuris gjeometrichis o vin volût mostrâ lis infinidis direzions che lis paveis a dissegnin tal aiar cui lor svoi.
ACROSTICS
O vin ancje cirût gnovis manieris par scrivi lis peraulis che o vin imparât e cun doi acrostics o sin rivâts a esprimi il sens de fantasie e de pâs che lis paveis nus àn inspirât.

 

PAVEUTE
Cu lis nestris paveutis di cjarte o vin zuiât tal prât de culine daûr de scuele. Dongje dal ‘murales’ de nestre scuele primarie us vin volût contâ la storie di une pavee che e cirive amiis.

 

pane (29)
Ic Faedis, Scuola dell'infanzia di Campeglio,

In vore in cusine

by Marisa Comelligiugno 18, 2017no comment

Savêso che nô mezans de Scuele de Infanzie di Cjampei o savìn fâ il mignestron e il pan? 

IL MIGNESTRON

INTUN GRANT PIGNATON
O PREPARI IL MIGNESTRON.
CUMÒ O TAI LA CEVOLUTE
CHE VAÎ MI FÂS UN PÔC.
PO DOPO O CJAPI LA CAROTE
UNE PATATE E I CESARONS
E JU SPELI PARDABON
A TOCUTS CUL PUAR O MET
UNE GRAMPE DI FASUI
NO DISMENTEÂ LA BLEDE
SELINO, COÇUTS DUCJ A CUEI.
AGHE, SÂL, IL TAPON
E AE FIN… IL FÛC!
O MESSEDI DI CUANT IN CUANT
E BIEL MANGJANT O VOI PENSANT
JOI CE BON CHEL MIGNESTRON!

 

 

 

 

O VIN FAT IL PAN A SCUELE!

INTUNE TERINE O VIN MESSEDÂT IL LEVAN CUN AGHE, FLÔR, SÂL E ZUCAR ZIRANT CU LA SEDON E CU LIS MANS.
DOPO LU VIN LASSÂT FER A LEVÂ.
PO DOPO O VIN FAT I PAGNUTS…

CE BOGNS!!!

 

EPSON DSC picture
Ic Udine 1, Scuola Secondaria di primo grado "Tiepolo" di Udine,

La storie di Toni, il cavalîr

by Marisa Comelligiugno 18, 2017no comment

Inte Scuele Secondarie di prin grât “Tiepolo” di Udin o vin scuviert che in Friûl une volte a fasevin

l’arlevament dai cavalîrs e a lavoravin il fîl de sede tes filandis.

– Jo o soi Toni. O soi un cavalîr, ma no voi a cjaval.

 

 

 

 

 

 

A pene nassût o ai mangjât  dì  e gnot tantis fueis di morâr, o volevi cressi e  diventâ grant par deventâ une pavee e svolâ  in cîl.

Un biel dì, mi cjali atôr e o viôt une robe blancje a forme di ûf, mi fâs anim e i domandi…

–  Cui sêstu?
– O soi to fradi…ancje tu une dì tu fasarâs il to fîl e tu starâs inte galete

 

 

 

 

E cussì al è stât; Toni al à scomençât a  fâ la bave, un  fîl  lunc, lunc …. e a inrodolâsi.

 

– Fruts, in curt  o  svolarai  atôr  pal mont… – al dîs Toni, sierât intune galete.
– Tu ti insumiis! Ti coparan inte aghe bulinte e il to fîi di sede al fasarà il tiessût pal “furniment  di une nuvice”. – al rispunit un altri cavalîr involuçât tal fîl di sede.
– O sarai plui scaltri dal om… – al pense Toni

Grate che ti grate, Toni al rive a saltâ fûr prime che a rivin a cjoli il so fîl…

 

– O soi deventât… une pavee! O voi! Mandi … mandi!

 

 

 

 

 

 

INTERVISTE A NONE LIDIE
O ai domandât a mê none Lidie di contâmi alc sui cavalîrs …

  • Jeristu nassude cuant  che tô mari e veve  i cavalîrs?
    Mê mari e à scomençât e vê i cavalîrs cuant che e jere une frute
  • Indulà levie a cjoli i cavalîrs?
    A Nearêt, parsore de latarie, al jere un om che ju deve. Si puartavin a cjase, si ju poiave dongje di une stue par fâju nassi, daspò si meteve lis fueis di morâr che a vevin di jessi ben sutis.
  • Dopo trop timp si formavie la galete?
    Cuindis dîs, ma se al faseve frêt ancje di plui
  • Fate la galete, daspò ce si fasevial?
    I cavalîrs a fasevin la galete su la “pipine”. Si cjapave la galete e cuntune machine si faseve il fîl
  • Il fîl vignivial fat in cjase?
    Sì al vignive filât des feminis , cualchi galete e vignive puartade a Martignà par jessi
  • Tu tu jeris une frute, ce lavôr fasevistu?
    Jo o cjapavi su lis fueis dai morârs e o slargjavi il “jet” indulà che a stevin i cavalîrs.
  • Jerial cualchi biel moment?
    Cuant che a si vierzevin lis galetis al jere un biel moment, si jere in tancj e si rideve tra di nô.
  • Par fâ une coltre cemût si fasevial?
    Une volte cjolte la galete, i cavalîrs a vignivin brusâts. Lis galetis a vignivin lavadis, speladis e si formavin montagnis di fîi che a pesavin pôc.
  • Fin cuant la tô famee aie tignût i cavalîrs?
    Fin dal 1953.
    Gracie none pe tô testemoneance

preistoria (140)
Ic Faedis, Scuola dell'infanzia di Campeglio,

Il RAP de preistorie

by Marisa Comelligiugno 16, 2017no comment

L’OM PRIMITÎF 

ECO IL RE DI CHESTE TIERE
O SOI L’OM, ECOMI CA,
MA PAR ORE O SOI SPIERDÛT
E NO SAI DULÀ CJALÂ.

RIT: TIRE CA, TIRE LÀ AL È NOME CE SUDÂ
         TIRE CA TIRE LÀ O CE TANT DI LAVORÂ.

O SOI PLEN DI FRÊT E FAM
O MI ZIRI CHI D’ATOR,
UN RIPÂR LU CJATARAI
PAR PODÊ PASSÂ LA GNOT

RIT: TIRE CA,…

SE NO IMPARI A FÂ UN CURTÌS
E JE GRAVE, ZA SI SA
LA MÊ FEMINE PUARINE
CENCE DINCJ E RESTARÀ.

RIT: TIRE CA, …

CENCE RUEDE NO CUMBINI
CE FADIE CHE AL È TIRÂ,
SU PES MONTS, JÙ PE PLANURE
AL È TANT CE FADIÂ.

RIT: TIRE CA, …

VITE DURE, VITE GRAME
CENCE PAN NI COMPANADI
SE LA CJAR O VUEI GRIGLIÂ
FÛC E FLAMIS O AI DI FÂ.

RIT: TIRE CA, …

NO VIOT LA ORE DI LÂ IN FERIIS
CU LA BARCJE IN MIEÇ DAL MÂR,
SU LA SDRAIE SU LA SPLAZE
CENCE NANCJE FADIÂ.

RIT: TIRE CA, …

(sezion dai grancj di Cjampei)  

IMG_6069
Ic Faedis, Scuola Secondaria di primo grado di Povoletto,

Letaris dal front de Grande Vuere

by Marisa Comelligiugno 14, 2017no comment

Al è stât un lavôr interessant e ancje emozionant chel che o vin fat noaltris di tierce intes oris di ativitâts integrativis!  Cu lis professoris di letaris, di art e di musiche, o  vin let, comentât e interpretât la corispondence dal front tra Giuseppe Merlino, soldât furlan de fantarie, e la so femine Linda.

Lis letaris, racueltis tal libri “Torno o non torno.” di Guido Sut, a contin la storie di chescj doi spôs furlans che la vuere e à separât par simpri;  chest percors di aprofondiment nus à fat comprendi lis pôris, lis soferencis, i sintiments dai soldâts, des lôr fameis e de int dai nestris paîs intal timp de Grande Vuere.

La  rapresentazion che o vin metude in sene il 7 di Jugn e finìs cun cheste domande:

parcè la vuere?

riç
Ic Faedis, Scuola Primaria di Povoletto,

Besteutis ator di nô

by Marisa Comelligiugno 14, 2017no comment

Nô fruts des classis cuintis de scuele  primarie di Paulêt vie pal an o vin fevelât di animâi.

O vin scoltât storiis, inventadis rimarolis, o vin let e imparât robis gnovis in particolâr su besteutis che o podìn viodi intal nestri teritori.
Bestiis utilis come il riç o la âf o ben fastidiosis tant che  la pudiese; 
animâi bogns di fâ robis un tic magjichis come il ragn cu la sô tele o la pavee cu lis sôs trasformazions;

 

Animâi che inte storie si son viodûts tacâ intôr magagnis o cualitâts dai oms, cussì che a son passâts simpri par triscj, tant che il lôf, o furps come la bolp,
svelts tant che il jeur o ben spaurôs  tant che il cunin
(ancje se ducj i doi a son brâfs tal cori!),
stupits come la ocje o sfadiâts tant che la ciale. 

Ve ca cualchidune des rimis che o vin inventât:

O soi une furmiute di Seorgnan
e o mangji fruçons di pan dut l’an

O soi una pudiese di Ravose
e o cîr la morose!

Mi clami Ese e o soi une pudiese.
L’artropot al à il cuarp sfodrât di chitine.
O ai une arme segret.
O soi une pudiese buzarone.
O sai che o soi puçolente.
No ti dîs dulà, ma o scuint une glandule particolâr.
Se tu mi tocjis o mandi fûr la peste fetente.
O pues svolâ parcè che o ai lis alis.
Cuant che o svoli o fâs un grum di confusion.
Puare mai me se o coli intune tele di ragn.
Cuant che o sint frêt o voi a parâmi intal cjalt.

 

Graciis di cûr ae none di Caterina che ancje chest an nus a regalât un tic dal so timp e de sô pazience par fevelâ furlan cun nô.

 

DSCN1420
Ic Faedis, Scuola Primaria di Faedis,

Tal bosc al è puest par ducj

by Marisa Comelligiugno 8, 2017no comment

Une storie che e fevele di amicizie e di pâs. A nô de classe prime di Faedis nus à plasût tant…

Une dì tal bosc si presente un sghirat…
– Mandi a ducj! Mi clami Pignûl! Ce biel che al è chest bosc!
Al salte fûr de sô tane il sghirat Pevar e al cjale il gnûf rivât.
– Ca no tu puedis stâ… O soi jo il sghirat e lis nolis a son mês!

 

Tal indoman Pevar al viôt che Pignûl al à za fate amicizie cun chei altris animâi
e al à cjatade une buse propite intun arbul li dongje. Pevar al è furiôs.
– Ca nol è puest par doi sghirats… jo o soi rivât prime di lui!
– No stâ rabiâti, Pevar, il bosc al è grant e a son nolis par ducj i doi! – i rispuint il cenglâr.

 

Alore Pevar, ofindût, si siere inte tane e al dîs: – Se le pensais cussì, alore o voi vie jo…
 La bolp e il riç a batin te sô puarte, lu clamin, ma lui nol rispuint e al prepare la valîs pensant: “Se a preferissin un scognossût, o larai vie jo.”
Propit in chel moment si sint un rumôr fuart: une scuadre di boscadôrs e je in vore a taiâ un arbul li dongje. Al è propit chêl de tane di Pignûl!!! L’arbul al cole jù intun sclop e il sghirat al reste cence la sô cjase.
Viodint il gnûf rivât cussì disperât, Pevar si decît e al va a clamâlu: – Sint, tu puedis vignî a stâ ca di me!
– Ma … alore no tu sês plui rabiât cun me…
– No, – i rispuint Pevar – o ai capît  che tu vevis reson:

TAL BOSC AL È PUEST PAR DUCJ!

Older Posts