CONTANT CUL KAMISHIBAI Scuele de Infanzie di Culugne – I.C. di Tavagnà
La sielte dal contâ traviers il kamishibai e da risultâts une vore positîfs intun percors par fâ cognossi la lenghe furlane, parcè che al è un imprest che al è bon di concuistâ cun facilitât la atenzion dai fruts. Cun di plui al è un strument complet par comunicâ parcè che si puedin meti dentri musichis, personaçs, marionets, sacumis par fâ lis ombris… La metodologjie doprade e je chê dal circle time e de cooperazion. In cheste maniere l’aprendiment si realize traviers un continui confront in grup cul jutori dai compagns.
Il grup dai grancj de Scuele de Infanzie di Culugne, traviers cheste ativitât al à miorât la cognossince dal furlan intal:
– Scoltâ e mantignî la atenzion dilunc de leture o de narazion di tescj sempliçs mostrant di savênt comprendi il sens gjenerâl.
– Ripeti frasis semplicis in lenghe.
– Comprendi consegnis, istruzions e spiegazions facilis.
-Tornâ a esponi in lenghe, in mût sempliç, une storie scoltade, rispietant l’ordin cronologjic.
L’ interès al è stât rilevant, i fruts a àn mostrade une vore di simpatie pal kamishibai tant che ae fin a àn imparât a doprâlu ancje di bessôi.
LIS MAPIS DAL PERCORS
I MATERIÂi
VIDEO de storie inventade “LA MÊ MAN”. Cliche su la frece par viodilu e scoltâlu.
LABORATORI DI AUTOFORMAZION SUL KAMISHIBAI PAR INSEGNANTS – Imagjins e tescj su la lavagne di Padlet.
Par viodiju cliche su chest link:
https://padlet.com/sabrinapittilini1/il-kamishibai-q3ocihq4ckpopuz0