LA STAMPE IN FRIÛL – Scuele Primarie di Paulêt – Istitût Comprensîf di Faedis
Chest progjet al è nassût dentri dal percors di tecnologjie: obietîf finâl al è stât chel di fâ cognossi ai fruts il mecanisim doprât par stampâ e la storie de stampe e chel di realizâ ae fin la cuviertine di un libri di test decorât a stampe.
Il lavôr, in plui, al è stât progjetât par promovi la educazion bi-plurilengâl e disvilupâ il plurilenghisim come competence individuâl e come un dai valôrs fondamentâi in cjamp educatîf e didatic. Traviers chest progjet si à favorît, intal contest scolastic, l’ûs e la valorizazion di plui lenghis di insegnament/aprendiment e di comunicazion, apassionant i fruts in ativitâts che a integrin la lenghe taliane e la lenghe furlane.
I contignûts dissiplinârs svilupâts par furlan a son stâts acuisîts in plene totalitât di bande di ducj i arlêfs;la modalitât di laboratori doprade par condusi il progjet e à permetût di controlâ vie vie la acuisizion di concets e tecnichis che i fantacins a àn mostrât di savê aplicâ inte pratiche.
LA MAPE
I MATERIÂI