A SCUELE DI METEO Scuele Primarie di Atimis – I.C. di Faedis
Il progjet, che al à previodût la osservazion di cualchi aspiet leât a la meteorologjie e al clime, cun particolâr riferiment al andament climatic dal teritori locâl, al è nassût pal desideri di proponi un percors sientific-linguistic-matematic-tecnologjic diviers de lezion tradizionâl. Finalitât dal progjet e je stade chê di creâ laboratoris dulà che i fruts a deventassin protagoniscj e no scoltadôrs passîfs intal “vivi” il lôr ambient.
Il percors, in plui, al è stât progjetât par promovi la educazion bi-plurilengâl e svilupâ il plurilinguisim tant che competence individuâl e un dai valôrs fondamentâi in cjamp educatîf e didatic. Traviers di chest percors si à volût prudelâ, tal contest scolastic, l’ûs e la valorizazion di plui lenghis di insegnament/aprendiment e di comunicazion, coinvolzint i fruts in ativitâts che a integrin la lenghe talian e la lenghe furlane.
In particolâr a son stadis acuisidis/mioradis chestis abilitâts linguistichis comunicativis in lenghe furlane: l’inricjiment dal lessic, la acuisizion di tiermins specifics, la acuisizion di struturis linguistichis specifichis de lenghe furlane.
L’interès al è stât significatîf e costant dilunc di dut il percors didatic, sei pai argoments e pes esperiencis realizadis, sei pe lenghe doprade par veicolâ chês esperiencis. La classe e à partecipât in maniere ative e il nivel di motivazion al è stât alt di bande di ogni frut.
LA MAPE
I MATERIÂI